ഹരിപ്പാട്: കൊയ്ത്ത് കഴിഞ്ഞിട്ട് 15 ദിവസം നെല്ലെടുക്കാന്‍ മില്ലുകള്‍ തയ്യാറാകുന്നില്ല. ഇതേതുടര്‍ന്ന് കര്‍ഷകര്‍ കൃഷിഭവന്‍ ഉപരോധിച്ചു. കരുവാറ്റ മാന്തറ മീഞ്ചാല്‍ പാഠശേഖരത്തിലാണ് കൊയ്ത്ത് കഴിഞ്ഞ് പതിനഞ്ച് ദിവസം കഴിഞ്ഞിട്ടും നെല്ലെടുക്കാന്‍ ആളെത്താതെ കെട്ടികിടക്കുന്നത്. സപ്‌ളൈക്കോ ചമതലപ്പെടുത്തിയ മില്ലുകള്‍ നെല്ലെടുക്കാന്‍ തയ്യാറകാത്തതാണ് പ്രതിസന്ധിക്ക് കാരണം.
305 ഏക്കറോളെ വരുന്ന പാഠശേഖരത്തില്‍ കൃഷി ചെയ്ത് കൊയ്‌തെടുത്ത 60 ടണ്‍ നെല്ലാണ് കെട്ടികിടക്കുന്നത്. പാടശേഖരത്തിലെ വളരെ കുറച്ച് ഭാഗത്ത് മനെല്‍ ചെടികളില്‍ ഇലപ്പുള്ളി രോഗം ഉണ്ടായിരുന്നു. ഇക്കാരണം പറഞ്ഞാഞ് മില്ലുകള്‍ 305 ഏക്കറിലെയും നെല്ലെടുക്കാന്‍ വിസമ്മതിക്കുന്നത്.
നെല്ലെടുക്കാന്‍ മില്ലുകള്‍ തയ്യാറാകാത്തതില്‍ പ്രതിഷേധിച്ച് പാടശേഖര സമിതിയുടെ നേതൃത്വത്തില്‍ കര്‍ഷകര്‍ കരുവാറ്റ കൃഷി ഭവന്‍ ഉപരോധിച്ചു.
ഉപരോധം കര്‍ഷക സംഘം ജില്ലാ പ്രസിഡന്റ് ശ്രീകുമാര്‍ ഉണ്ണിത്താന്‍ ഉദ്ഘാടനം ചെയ്തു. വര്‍ഗ്ഗീസ് അദ്ധ്യക്ഷനായി. സുരേഷ്, ശ്രീത മോഹന്‍ കുമാര്‍, പി.ശ്രീലേഖ, പി.സുരേന്ദ്രന്‍, ജെ.ദിലീപ്, പത്മനാഭക്കുറുപ്പ് എന്നിവര്‍ സംസാരിച്ചു.