പാലക്കാട്: മറ്റെല്ലാ മണ്ഡലങ്ങളിലും ഫല പ്രഖ്യാപനം കഴിഞ്ഞിട്ടും തങ്ങളുടെ മണ്ഡലത്തിലെ അന്തിമ ഫലമറിയാന്‍ പിന്നെ തൃത്താലക്കാര്‍ മണിക്കൂറുകള്‍ കാത്തിരിക്കേണ്ടി വന്നു.
2011ലെ നിയമസഭാ തെരഞ്ഞെടുപ്പില്‍ തൃത്താല മണ്ഡലത്തിന്റെ ഫല പ്രഖ്യാപനം വന്നത് ഏറ്റവും അവസാനത്തിലാണ്. ഇത്തവണയും തൃത്താലയുടെ ഫലം ഏറെ വൈകിയാണ് പ്രഖ്യാപിച്ചത്.
വോട്ടെണ്ണല്‍ കേന്ദ്രത്തിലെ നടപടിക്രമങ്ങള്‍ക്ക് വന്ന വേഗതക്കുറവാണ് ഫലപ്രഖ്യാപനം വൈകുന്നതിന് കാരണമായത്. ഓരോ റൗണ്ട് പൂര്‍ത്തിയാക്കിയ ശേഷവും അടുത്ത റൗണ്ട് ആരംഭിക്കുന്നതിലും വലിയ ഇടവേളയാണ് ഉണ്ടായത്. ഇതും ഫലപ്രഖ്യാപനം അവസാനമാകാന്‍ കാരണമായി.