കൊട്ടാരക്കര: ഓപ്പറേഷന്‍ ഭായിയുടെ ഭാഗമായി എക്‌സൈസും പൊലിസും ചേര്‍ന്നു നടത്തിയ പരിശോധനയില്‍ ഒരു ലക്ഷത്തോളം രൂപയുടെ പുകയില ഉല്‍പന്നങ്ങള്‍ പിടികൂടി. തേവന്നൂര്‍, വയയ്ക്കല്‍, കൊട്ടാരക്കര എന്നിവടങ്ങളിലായിരുന്നു പരിശോധന. പാന്‍ ഉല്‍പന്നങ്ങള്‍ക്കു പുറമേ പുകയിലയ്ക്കു സമാനമായ തമ്പാക്ക് ഇലകളും കണ്ടെടുത്തു.
ബംഗാള്‍ സ്വദേശികളായ തൊഴിലാളികളില്‍ നിന്നാണ് ഉണങ്ങിയ തമ്പാക്ക് ഇലകള്‍ പിടികൂടിയത്.പശ്ചിമബംഗാള്‍ സ്വദേശികളായ 16 പേര്‍ക്കെതിരെ കേസെടുത്തു. എക്‌സൈസ് സി.ഐ വി റോബര്‍ട്ട്, അസി. ഇന്‍സ്പക്ടര്‍ കെ സതീഷ്ബാബു, ഉദ്യോഗസ്ഥരായ ഷിബു പാപ്പച്ചന്‍, ബാബു, സിവില്‍ പൊലിസ് ഓഫിസര്‍ രതീഷ് തുടങ്ങിയവര്‍ പരിശോധനയില്‍ പങ്കെടുത്തു.