കൂളിവയല്‍: ഡബ്ല്യു.എം.ഒ സ്ഥാപനമായ ഇമാം ഗസ്സാലി അക്കാദമിയില്‍ ഏകദിന സെമിനാര്‍ നടത്തി. ഇമാം ഗസ്സാലി (റ): ആത്മീയത, തത്വചിന്ത, സമൂഹം എന്ന വിഷയത്തില്‍ സെമിനാറില്‍ സെന്‍ട്രല്‍ യൂനിവേഴ്‌സിറ്റി ഓഫ് കേരള ഇന്റേണല്‍ ക്വാളിറ്റി അഷ്വൂറന്‍സ് ഡയറക്ടര്‍ ഡോ. എം.എന്‍ മുഹമ്മദുണ്ണി ഏലിയാസ് മുസ്തഫ ഉദ്ഘാടനം നിര്‍വഹിച്ചു. പ്രോഗ്രാം കോഡിനേറ്റര്‍ ലത്തീഫ് ഗസ്സാലി, റാഷിദ് ഗസ്സാലി, മുസ്തഫ ഹുദവി അരൂര്‍, മോയിന്‍ ഹുദവി മലയമ്മ, നൗഷാദ് ഗസ്സാലി, റിയാസ് ഗസ്സാലി, സ്വബീര്‍ ഗസ്സാലി, ഉമറുല്‍ ഫാറൂഖ് ഹുദവി, സഹീര്‍ ഗസ്സാലി, പ്രിന്‍സിപ്പല്‍ ഉസ്മാന്‍ ഫൈസി, ശഫീഖ് ഗസ്സാലി സംസാരിച്ചു.

ആടിനെ പുലി
കൊന്നു

ഗൂഡല്ലൂര്‍: ആടിനെ പുലി കടിച്ചു കൊന്നു. ഓവാലി അണ്ണാനഗറിലെ ബാലുവിന്റെ ആടിനെയാണ് പുലി കൊന്നത്. കഴിഞ്ഞ ദിവസം രാത്രിയിലാണ് സംഭവം. വീടിന് സമീപത്തെ കൂട്ടില്‍ക്കെട്ടിയ ആടിനെയാണ് പുലി ആക്രമിച്ചത്. ഓവാലി വനംവകുപ്പ് ഉദ്യോഗസ്ഥര്‍ സംഭവസ്ഥലത്തെത്തി തുടര്‍നടപടികള്‍ സ്വീകരിച്ചു.