ലണ്ടന്‍: ഡീഗോ കോസ്റ്റ നേടിയ ഒറ്റ ഗോളില്‍ മിഡ്ഡ്ല്‍സ്‌ബ്രോയെ കീഴടക്കി ചെല്‍സി ഇംഗ്ലീഷ് പ്രീമിയര്‍ ലീഗ് പോയിന്റ് പട്ടികയില്‍ ഒന്നാം സ്ഥാനത്തെത്തി. കളിയുടെ 41ാം മിനുട്ടിലാണ് കോസ്റ്റയുടെ വിജയ ഗോള്‍ പിറന്നത്. ജയത്തോടെ 12 കളികളില്‍ നിന്നു 28 പോയിന്റുമായി ചെല്‍സി ഒന്നാം സ്ഥാനത്ത്. 27 പോയിന്റുകള്‍ വീതമുള്ള ലിവര്‍പൂള്‍, മാഞ്ചസ്റ്റര്‍ സിറ്റി ടീമുകള്‍ രണ്ടും മൂന്നും സ്ഥാനത്ത്.
മിലാന്‍: ഇറ്റാലിയന്‍ സീരി എയിലെ മിലാന്‍ നാട്ടങ്കം 2-2നു സമനിലയില്‍ അവസാനിച്ചു. എ.സി മിലാന്റെ തട്ടകത്തില്‍ നടന്ന പോരാട്ടത്തില്‍ അവസാന നിമിഷം പെരിസിച് നേടിയ ഗോളിലാണ് ഇന്റര്‍ മിലാന്‍ സമനില പിടിച്ചത്.
പാരിസ്: ഫ്രഞ്ച് ലീഗ് വണില്‍ നീസ് വീണ്ടും ഒന്നാം സ്ഥാനത്ത്. സെയ്ന്റ് എറ്റിനയെ 1-0 കീഴടക്കിയാണ് നീസ് വിജയം സ്വന്തമാക്കി തലപ്പത്ത് വീണ്ടുമെത്തിയത്. മൊണാക്കോ രണ്ടാമതും പി.എസ്.ജി മൂന്നാം സ്ഥാനത്തും.