കണ്ണൂര്‍: തലശ്ശേരിയിലെ എന്‍.ഡി.എഫ് പ്രവര്‍ത്തകന്‍ മുഹമ്മദ് ഫസല്‍ കൊല്ലപ്പെട്ട കേസില്‍ സി.ബി.ഐ കുറ്റപത്രം സമര്‍പ്പിച്ച സാഹചര്യത്തില്‍ ഇപ്പോഴുള്ള വെളിപ്പെടുത്തല്‍ ദുരൂഹമാണെന്നു പോപുലര്‍ ഫ്രണ്ട് ജില്ലാകമ്മിറ്റി.
കേസിന്റെ അന്വേഷണത്തിനു നേതൃത്വം വഹിച്ച ഉദ്യോഗസ്ഥരെ പലതവണ ചുമതലയില്‍ നിന്നു മാറ്റിയത് കേസ് അട്ടിമറിക്കാനാണെന്ന ആരോപണം ഉയര്‍ന്ന സാഹചര്യത്തിലാണ് ഫസലിന്റെ വിധവ മറിയു നല്‍കിയ ഹരജിയുടെ അടിസ്ഥാനത്തില്‍ സി.ബി.ഐ അന്വേഷണം ഏറ്റെടുത്തതെന്നും ജില്ലാകമ്മിറ്റി പ്രസ്താവനയില്‍ പറഞ്ഞു.