തിരുവനന്തപുരം: വ്യവസായ വാണിജ്യ ബാങ്കിങ് മേഖലയ്ക്ക് സുരക്ഷ ഒരുക്കാനായി രൂപീകരിച്ച വ്യവസായ സുരക്ഷാ സേനയുടെ സേവനം വിപുലീകരിക്കുന്നു. സംസ്ഥാനത്തെ പൊതു, സ്വകാര്യ സ്ഥാപനങ്ങള്‍ക്കും ഇനി മുതല്‍ വ്യവസായ സേനയുടെ സേവനം തേടാം.
2011 ലാണ് സംസ്ഥാന പൊലിസ് മേധാവിയുടെ നേരിട്ടുള്ള നിയന്ത്രണത്തില്‍ വ്യവസായ സുരക്ഷാ സേന (എസ്.ഐ.എസ്.എഫ്) രൂപീകരിച്ചത്. 2012 മുതല്‍ സംസ്ഥാനത്തെ പ്രമുഖ വ്യവസായ സ്ഥാപനങ്ങള്‍ക്കും ബാങ്കുകള്‍ക്കും സുരക്ഷ നല്‍കി വരുന്നുണ്ട്. നിലവില്‍ റിസര്‍വ് ബാങ്ക്, ഇന്‍ഫോപാര്‍ക്ക് തുടങ്ങി പൊതുമേഖലയിലും സ്വകാര്യമേഖലയിലും പ്രവര്‍ത്തിക്കുന്ന 27 സ്ഥാപനങ്ങള്‍ക്ക് 65 സ്ഥലങ്ങളിലായി സ്റ്റേറ്റ് ഇന്‍ഡസ്ട്രീയല്‍ സെക്യൂരിറ്റി ഫോഴ്‌സ് സുരക്ഷ നല്‍കുന്നുണ്ട്. എസ്.ഐ.എസ്.എഫുമായി ധാരണാപത്രം ഒപ്പിടുന്ന സ്ഥാപനങ്ങളില്‍ നിന്നും നിശ്ചിത തുക പ്രതിഫലം സ്വീകരിച്ചാണ് സേവനം നല്‍കുന്നത്.
ഈ പ്രതിഫലം ഒഴികെ സേനയുടെ യാതൊരു തുടര്‍ബാധ്യതയും ഇല്ലാതെയാണ് സായുധ സുരക്ഷ നല്‍കി വരുന്നത്. സേനയുടെ സേവനം ആവശ്യമുള്ള പൊതു- സ്വകാര്യ സ്ഥാപനങ്ങള്‍ക്ക് ംംം.ശെളെ.സലൃമഹമുീഹശരല.ഴീ്.ശി വെബ്‌സൈറ്റ് വഴിയോ രാറെേശളെ.ുീഹ@സലൃമഹമ.ഴീ്.ശി, മമശെളെ.ുീഹ@സലൃമഹമ.ഴീ്.ശി എന്നീ ഇ-മെയില്‍ മുഖേന ബന്ധപ്പെടാം.