പളളിക്കല്‍: വള്ളിക്കുന്ന് നിയോജക മണ്ഡലം യു.ഡി.എഫ് സ്ഥാനാര്‍ഥി പി അബ്ദുല്‍ ഹമീദ് മാസ്റ്ററുടെ വിജയാഘോഷം ആവേശക്കടല്‍ തീര്‍ത്തു.
നുറ്ക്കണക്കിന് ബൈക്കുകളുടെ അകമ്പടിയോടെ പൈലറ്റ് വാഹനത്തിന് പിന്നിലായി തുറന്ന വാഹനത്തില്‍ ഹമീദ് മാസ്റ്റര്‍ വോട്ടര്‍മാര്‍ക്ക് നന്ദി രേഖപ്പെടുത്തി മണ്ഡലത്തിലെ ആറ് പഞ്ചായത്തുകളുടെയും പര്യടനം നടത്തി. മുസ്‌ലിംലീഗ് സ്ഥാനാര്‍ഥികളെ പരാജയപ്പെടുത്താന്‍ ആഹ്വാനം ചെയ്ത കാന്തപുരും സുന്നികള്‍ക്കുള്ള താക്കീത് കൂടിയായിരുന്നു വിവിധ പഞ്ചായത്തുകളില്‍ നടത്തിയ വിജയാഘോഷത്തില്‍ അലയടിച്ചത്. ഭരണം തിരിച്ചുപിടിക്കാനായതില്‍ എല്‍.ഡി.എഫും കേരളത്തില്‍ അക്കൗണ്ട് തുറക്കാന്‍ സാധിച്ചതിന് ബി.ജെ.പിയും മണ്ഡലത്തിലൂടനീളം ആഹ്ലാദ പ്രകടനങ്ങള്‍ നടത്തി.