തലശ്ശേരി: അന്യായമായി പൊലിസ് കസ്റ്റഡിയിലെടുത്ത് ശാരീരികമായും മാനസികമായും പീഡിപ്പിച്ചെന്നു ചൂണ്ടിക്കാട്ടി പാതിരിയാട് മോഹനന്‍ വധക്കേസില്‍ അറസ്റ്റിലായ ആര്‍.എസ്.എസ് പ്രവര്‍ത്തകന്‍ പള്ളൂര്‍ ചെമ്പ്രയിലെ എമ്പ്രാന്റവിട സുബീഷ് ദേശീയ മനുഷ്യാവകാശ കമ്മിഷനും പൊലിസ് കംപ്ലയിന്റ് അതോറിറ്റിക്കും പരാതി നല്‍കി.
പൊലിസ് ഭീകരമായി മര്‍ദിക്കുകയും ഫസല്‍ കേസില്‍ ഉള്‍പ്പെടെ നിരവധി കൊലക്കേസില്‍ താന്‍ പ്രതിയാണെന്ന് പറയിപ്പിക്കുകയും ചെയ്തു. മൂന്നു ദിവസത്തോളം കസ്റ്റഡിയില്‍ വയ്ക്കുകയും ചെയ്തു വെന്ന് പരാതിയില്‍ പറയുന്നു.