തൃപ്രയാര്‍ : നാട്ടിക ബീച്ചില്‍ അച്ഛനെ മര്‍ദിക്കാനെത്തിയ രണ്ടംഗസംഘം ആറര വയസുകാരിയെ മര്‍ദിച്ചതായി വലപ്പാട് പൊലിസില്‍ പരാതി. കഴിഞ്ഞ ദിവസം രാവിലെയാണ് സംഭവം. പെണ്‍കുട്ടി ബഹളം വച്ചതിനെത്തുടര്‍ന്ന് ബന്ധുക്കളും നാട്ടുകാരും വരുമ്പോഴേക്കും അക്രമികള്‍ ബൈക്കില്‍ കയറി രക്ഷപ്പെട്ടതായി പറയുന്നു.
വിവരമറിഞ്ഞ് വലപ്പാട് പൊലിസെത്തിയെങ്കിലും പ്രതികളെ പിടികൂടാനായില്ല. പ്രതികളെ പിടികൂടാനുള്ള ശ്രമം ഊര്‍ജിതമാക്കിയിട്ടുണ്ടെന്നും എത്രയും വേഗം പ്രതികളെ പിടികൂടുമെന്നും എസ്.ഐ മഹേഷ് കണ്ടേമ്പത്ത് പറഞ്ഞു.