മാവൂര്‍: ഇസ്‌ലാമിക് സെന്ററിനു കീഴിലുള്ള പാഴൂര്‍ ദാറുല്‍ ഖുര്‍ആന്‍ കമ്മിറ്റി സംഘടിപ്പിച്ച നബിദിന റാലി പ്രൗഢോജ്വലമായി. ചേന്ദമംഗല്ലൂരില്‍നിന്ന് ആരംഭിച്ച റാലി ദാറുല്‍ ഖുര്‍ആന്‍ കാംപസില്‍ സമാപിച്ചു. നിരവധി ദഫ് സംഘങ്ങള്‍ റാലിയില്‍ അണിനിരന്നു.
സമസ്ത കേന്ദ്ര മുശാവറ അംഗം വാവാട് കുഞ്ഞിക്കോയ മുസ്‌ലിയാര്‍, റഹ്മത്തുല്ലാ ഖാസിമി മൂത്തേടം, മുസ്തഫ മാസ്റ്റര്‍ മുണ്ടുപാറ, സയ്യിദ് മുബശ്ശിര്‍ ജമലുല്ലൈലി, കെ.പി കോയ, ആര്‍.വി കുട്ടി ഹസന്‍ ദാരിമി, കെ.എ ഖാദര്‍ മാസ്റ്റര്‍, കെ.എ റഷീദ് ഫൈസി വെള്ളായിക്കോട്, കെ.എന്‍.എസ് മൗലവി, ഒ.പി അഷ്‌റഫ്, അയ്യൂബ് കൂളിമാട്, സി.എ ശുക്കൂര്‍ മാസ്റ്റര്‍, കെ. മുഹമ്മദ് ബാഖവി മാവൂര്‍, കെ.കെ.എം ബാഖവി മുന്നൂര്, ദീവാര്‍ അസ്സയിന്‍ ഹാജി, കെ.എം.എ റഹ്മാന്‍, എം.കെ അബ്ദുറഹ്മാന്‍, കോമു മോയിന്‍ഹാജി, അബ്ദുല്‍ ജബ്ബാര്‍ അന്‍വരി, കെ.വി അബ്ദുറഹ്മാന്‍ ചെറുവാടി, വി. സുലൈമാന്‍, വി. അസ്സു ഹാജി, ഇല്‍യാസ് ഫൈസി, അലി അക്ബര്‍ മുക്കം, അബ്ദുറഹ്മാന്‍ ലത്തീഫി, അഷ്‌കര്‍ പുവ്വാട്ടുപറമ്പ്, ഇസ്സുദ്ദീന്‍ പാഴൂര്‍ നേതൃത്വം നല്‍കി.
തുടര്‍ന്നു നടന്ന നബിദിന സമ്മേളനം സമസ്ത ട്രഷറര്‍ മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്തു. സമൂഹം നേരിടുന്ന പ്രതിസന്ധികളെ ആത്മീയത കൊണ്ട് അതിജയിക്കണമെന്നും പുണ്യസ്ഥലങ്ങളെയും ദിനങ്ങളെയും ആദരിക്കല്‍ വിശ്വാസത്തിന്റെ ഭാഗമാണെന്നും തങ്ങള്‍ പറഞ്ഞു. ചടങ്ങില്‍ സ്വാഗതസംഘം ചെയര്‍മാന്‍ മുസ്തഫ മാസ്റ്റര്‍ മുണ്ടുപാറ അധ്യക്ഷനായി. നാസര്‍ ഫൈസി കൂടത്തായി, റഹ്മത്തുല്ലാ ഖാസിമി മൂത്തേടം, അബൂബക്കര്‍ ഫൈസി മലയമ്മ, ഒ.പി അഷ്‌റഫ് പ്രസംഗിച്ചു.