തൃക്കരിപ്പൂര്‍: പടന്ന മുണ്ട്യ ദേവസ്വത്തിന്റെ സഹകരണത്തോടെ കേരള പൂരക്കളി മറത്തുകളി കലാ പരിഷത്ത് നടത്തും. 22ന് ഉച്ച കഴിഞ്ഞ് രണ്ടിന് മുണ്ട്യ പരിസരത്ത് നടക്കുന്ന പരിപാടി ക്ഷേത്രേശന്മപടന്നയില്‍ പൂരക്കളി മറത്തുകളി സംഗമംാരും മുതിര്‍ന്ന പണിക്കന്മാരും ചേര്‍ന്ന് ഭദ്രദീപം കൊളുത്തി ഉദ്ഘാടനം നിര്‍വഹിക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ആലപ്പടമ്പ് കണ്ണങ്ങാട്ട് ഭഗവതി ക്ഷേത്രം, പടന്ന മുണ്ട്യ ദേവസ്വം പൂരക്കളി സംഘം എന്നിവയുടെ പൂരക്കളി പ്രദര്‍ശനം നടക്കും. മൂന്നിന് കൊയോങ്കര എം രാജീവന്‍ പണിക്കര്‍, അണ്ടോള്‍ രാജേഷ് പണിക്കര്‍ എന്നിവരുടെ മറത്തുകളി. വൈകീട്ട് നടക്കുന്ന സാംസ്‌കാരിക സമ്മേളനം കേരള നാടന്‍ കലാ അക്കാദമി ചെയര്‍മാന്‍ പ്രഫ. ബി മുഹമ്മദ് അഹമ്മദ് ഉദ്ഘാടനം ചെയ്യും. സ്വാഗത സംഘം ചെയര്‍മാന്‍ കെ രവീന്ദ്രന്‍ അധ്യക്ഷത വഹിക്കും. ഡോ.സി എച്ച് സുരേന്ദ്രന്‍ നമ്പ്യാര്‍ മുഖ്യപ്രഭാഷണം നടത്തും. കേരള പൂരക്കളി കലാ അക്കാദമി പ്രസിഡന്റ് വെള്ളൂര്‍ കെ കൃഷ്ണന്‍, മുതിര്‍ന്ന പൂരക്കളി പണിക്കന്മാര്‍, വിവിധ ക്ഷേത്രകഴകം ഭാരവാഹികള്‍ തുടങ്ങിയവര്‍ പങ്കെടുക്കും. ചടങ്ങില്‍ വിവിധ മേഖലകളില്‍ പുരസ്‌കാരങ്ങള്‍ നേടിയ പ്രമുഖരെ അനുമോദിക്കും. തുടര്‍ന്ന് പിലിക്കോട് പി പി മാധവന്‍ പണിക്കര്‍, കാഞ്ഞങ്ങാട് പി ദാമോദരന്‍ പണിക്കര്‍ എന്നിവരുടെ മറത്തുകളി നടക്കും. കൊഴുമ്മല്‍ മാക്കീല്‍ മുണ്ട്യ, തുരുത്തി നീലമംഗലത്ത് ഭഗവതി ക്ഷേത്രം എന്നീ പൂരക്കളി സംഘങ്ങളാണ് പൂരക്കളിക്ക് നേതൃത്വം നല്‍കുകയെന്ന് സംഘാടക സമിതി ചെയര്‍മാന്‍ കെ രവീന്ദ്രന്‍,കെ ഗോപാലകൃഷ്ണ പണിക്കര്‍, എന്‍ പി തമ്പാന്‍, ചന്തേര കെ നാരായണന്‍ പണിക്കര്‍, കെ വി കുഞ്ഞികൃഷ്ണന്‍ പണിക്കര്‍ എന്നിവര്‍ അറിയിച്ചു.