മലപ്പുറം: സമസ്ത കേരള സുന്നി ബാല വേദി മലപ്പുറം ഈസ്റ്റ് ജില്ലാ കമ്മിറ്റി സംഘടിപ്പിക്കുന്ന റബീഅ് കാംപയിനു തുടക്കമായി. കുരുന്നു സ്‌നേഹത്തിന്റെ കാരുണ്യ പ്രവാചകര്‍ എന്ന പ്രമേയത്തില്‍ റബീഉല്‍ അവ്വല്‍ ഒന്നു മുതല്‍ 30 വരെ ആചരിക്കുന്ന കാംപയിന്‍ ജില്ലാ ഉദ്ഘാടനം കടുങ്ങപുരം മഅ്ദനുല്‍ ഉലൂം മദ്‌റസയില്‍ പാണക്കാട് സയ്യിദ് സാബിഖലി ശിഹാബ് തങ്ങള്‍ നിര്‍വഹിച്ചു. ശൗഖത്തലി അസ്‌ലമി അധ്യക്ഷനായി.
അഷ്‌റഫ് ഫൈസി, എ.പി.എസ് പൂക്കോയ തങ്ങള്‍, ശക്കീര്‍ ഹുസൈന്‍ അന്‍വരി, സൈതാലി മാസ്റ്റര്‍, ജാസിര്‍ ഫൈസി, അംജിദ് തിരൂര്‍ക്കാട്, സയ്യിദ് സദഖത്തുള്ള തങ്ങള്‍ അരിമ്പ്ര, മുഹമ്മദ് അസ്‌ലഹ് മുതുവല്ലൂര്‍, ബാസിത്ത് കടുങ്ങപുരം എന്നിവര്‍ പ്രസംഗിച്ചു.
കാംപയിന്റെ ഭാഗമായി ഞായറാഴ്ച ജില്ലയിലെ എട്ടു മേഖലകളിലായി 69 റെയ്ഞ്ച് കേന്ദ്രങ്ങളില്‍ മീലാദ് മജ്‌ലിസ് നടക്കും. തുടര്‍ന്നുള്ള ദിവസങ്ങളില്‍ സെമിനാര്‍, നേതൃ സംഗമം, മീലാദ് ക്വിസ്, ഒരുലക്ഷം വീടുകളില്‍ ലഘുലേഖ വിതരണം എന്നിവ നടക്കും.