ന്യൂഡല്‍ഹി: പുതിയ 20,50 രൂപാ നോട്ടുകള്‍ പുറത്തിറക്കുമെന്ന് റിസര്‍വ് ബാങ്ക് ഓഫ് ഇന്ത്യ. എന്നാല്‍ പഴയ നോട്ടുകള്‍ പിന്‍വലിക്കാതെയാവും പുതിയ നോട്ടുകള്‍ ഇറക്കുക. 20 രൂപയുടെ പുതിയ നോട്ടിലെ നമ്പര്‍ പാനലുകളില്‍ 'L' എന്ന അക്ഷരം പതിപ്പിക്കാനും തീരുമാനമായി.

കൂടുതല്‍ സുരക്ഷാ സംവിധാനത്തോടെയാവും പുതിയ നോട്ടുകള്‍ പുറത്തിറങ്ങുക.

രാജ്യത്ത് നോട്ടുകള്‍ പിന്‍വലിച്ചതിന്റെ പ്രതിസന്ധികള്‍ തുടരുന്നതിനിടെയാണ് പുതിയ പ്രഖ്യാപനം. നവംബര്‍ എട്ടിനാണ് പ്രധാനമന്ത്രി 500,1000 രൂപ നോട്ടുകള്‍ അസാധുവായി പ്രഖ്യാപിച്ചത്. കൂടാതെ 500 ന്റെയും 2000 ത്തിന്റെയും പുതിയ കറന്‍സികള്‍ ഈ അവസരത്തില്‍ പുറത്തിറക്കുകയും ചെയ്തിരുന്നു.