കൊച്ചി: വരുന്ന മധ്യവേനലവധിക്ക് സംസ്ഥാനത്തെ പൊതുവിദ്യാലയങ്ങളിലെ എട്ടു മുതല്‍ 12 വരെയുള്ള ക്ലാസുകള്‍ ഡിജിറ്റലൈസ് ചെയ്യുമെന്ന് സംസ്ഥാന ധനമന്ത്രി ഡോ.ടി.എം. തോമസ് ഐസക്.

കേരള സ്‌കൂള്‍ ടീച്ചേഴ്‌സ് അസോസിയേഷന്‍ സംഘടിപ്പിച്ച വിദ്യാഭ്യാസ സംഗമം ഉദ്ഘാടനം ചെയ്യുകയായിരുന്നു അദ്ദേഹം.


എല്ലാ വിദ്യാര്‍ഥികള്‍ക്കും ലാപ്‌ടോപ് നല്‍കും. ക്ലാസ് മുറികളില്‍ എല്‍.സി.ഡി പ്രൊജക്ടര്‍ അടക്കമുള്ള സൗകര്യങ്ങള്‍ ഏര്‍പ്പെടുത്തും.

യുപി, പ്രൈമറി സ്‌കൂളുകള്‍ക്ക് ലാബുകളടക്കമുള്ള സംവിധാനങ്ങള്‍ അടുത്തഘട്ടമായി നടപ്പാക്കുമെന്നും മന്ത്രി പറഞ്ഞു.

എന്തു വിലകൊടുത്തും പൊതുവിദ്യാഭ്യാസത്തെ സംരക്ഷിക്കും. സര്‍ക്കാരിന്റെ ദൗത്യങ്ങളിലൊന്നാണ് പൊതുവിദ്യാഭ്യാസ സംരക്ഷണം. ഇതിന് ചെലവ് എത്രയെന്നത് പ്രശ്‌നമല്ലെന്നും മന്ത്രി പറഞ്ഞു.