കോട്ടയം: ഭക്ഷ്യസുരക്ഷാ ലൈസന്‍സ് ഇല്ലാത്ത കേറ്ററിംഗ് സ്ഥാപനങ്ങളെ നിരോധിക്കണമെന്നും ലൈസന്‍സില്ലാതെ വഴിയോരങ്ങളില്‍ ആഹാരസാധനങ്ങള്‍ വില്‍ക്കുന്നത് കര്‍ശനമായി നിയന്ത്രിക്കണമെന്നും ഓള്‍ കേരള കാറ്ററിംഗ് അസോസിയേഷന്‍ ഭാരവാഹികള്‍ വാര്‍ത്താ സമ്മേളനത്തില്‍ ആവശ്യപ്പെട്ടു.
സംഘടനയുടെ ജില്ലാ കമ്മിറ്റിയുടെ ആഭിമുഖ്യത്തില്‍ എട്ടിന് കോട്ടയം കോടിമത റോട്ടറി ഹാളില്‍ ഏകദിനപഠനക്യാംപ് സംഘടിപ്പിക്കും. രാവിലെ 10ന് സംസ്ഥാനപ്രസിഡന്റ് ബാദുഷ കടലുണ്ടി ഉദ്ഘാടനം ചെയ്യും.
സംസ്ഥാന രക്ഷാധികാരി ഏലിയാസ് സക്കറിയ, സംസ്ഥാന സെക്രട്ടറി പ്രിന്‍ഡസ് ജോര്‍ജ്, ജില്ലാ പ്രസിഡന്റ് സജി ജേക്കബ് സെക്രട്ടറി ജോസ് ഫിലിപ്പ്, ട്രഷറര്‍ റെജി ഏബ്രഹാം എന്നിവര്‍ വാര്‍ത്താ സമ്മേളനത്തില്‍ സംബന്ധിച്ചു.