സുല്‍ത്താന്‍ ബത്തേരി: റോഡില്‍ സംരക്ഷണ ഭിത്തി നിര്‍മിക്കാത്തത് അപകടങ്ങള്‍ക്ക് കാരണമാകുന്നു. അന്തര്‍സംസ്ഥാന പാതയില്‍ പുത്തന്‍കുന്നിന് സമീപമുള്ള വളവിലാണ് അപകടങ്ങള്‍ തുടര്‍ക്കഥയാകുന്നത്. സംരക്ഷണ ഭിത്തിയില്ലാത്തത് സമീപത്തെ വീടുകള്‍ക്കും ഭീഷണിയായിരിക്കുകയാണ്. മുന്നറിയിപ്പ് ബോര്‍ഡുകളുമില്ലാത്തതിനാല്‍ അമിത വേഗതയിലെത്തുന്ന വാഹനങ്ങള്‍ കൊടുംവളവില്‍ അപകടത്തില്‍ പെടുകയാണ്. ഇത്തരത്തില്‍ നിയന്ത്രണം വിടുന്ന വാഹനങ്ങള്‍ സമീപത്തെ വീട്ടുമുറ്റത്തേക്കാണ് പതിക്കുന്നത്. വളവില്‍ സംരക്ഷണ ഭിത്തി നിര്‍മിക്കണമെന്ന പ്രദേശവാസികളുടെ ആവശ്യം അധികൃതര്‍ അവഗണിക്കുകയാണെന്നും ആക്ഷേപമുണ്ട്.
ഏറ്റവുമൊടുവിലായി കഴിഞ്ഞദിവസം ഇരുചക്രവാഹനം അപകടത്തില്‍ പെട്ടിരുന്നു. ഇവര്‍ ഗുരുതരാവസ്ഥയില്‍ കോഴിക്കോട് മെഡിക്കല്‍ കോളജില്‍ പ്രവേശിപ്പിച്ചിരിക്കുകയാണ്.