ന്യൂഡല്‍ഹി: തമിഴ്‌നാട് മുന്‍മുഖ്യമന്ത്രി ജയലളിതയുടെ നിര്യാണത്തില്‍ അനുശോചനം രേഖപ്പെടുത്തി കാര്യപരിപാടികളിലേക്കൊന്നും കടക്കാതെ പാര്‍ലമെന്റിന്റെ ഇരുസഭകളും ഇന്നലെ നേരത്തെ പിരിഞ്ഞു. രാജ്യത്തെ ഏറ്റവും ധൈര്യശാലിയും ജനപ്രിയയുമായ നേതാവിനെയാണ് നഷ്ടപ്പെട്ടതെന്ന് ലോക്‌സഭാ സ്പീക്കര്‍ സുമിത്ര മഹാജന്‍ അനുശോചനപ്രസംഗത്തില്‍ അഭിപ്രായപ്പെട്ടു. ജനങ്ങളുടെ സ്വന്തം നേതാവിനെ അവര്‍ അമ്മയെന്നാണ് സ്‌നേഹപൂര്‍വം വിളിച്ചിരുന്നതെന്നും മഹാജന്‍ പറഞ്ഞു.
പ്രധാനപ്പെട്ട നേതാവിനെയും മികച്ച പാര്‍ലമെന്റേറിയനെയും ഭരണനിപുണയായ ഭരണാധികാരിയേയും രാജ്യത്തിന് നഷ്ടപ്പെട്ടുവെന്ന് രാജ്യസഭാ അധ്യക്ഷന്‍ ഹാമിദ് അന്‍സാരി പറഞ്ഞു.