ചാവക്കാട്: ബാബ് രി മസ്ജിദ് പുനര്‍ നിര്‍മിക്കുക, ജനാധിപത്യം സംരക്ഷിക്കുക എന്ന പ്രമേയവുമായി ഓള്‍ ഇന്ത്യാ ഇമാംസ് കൗണ്‍സില്‍ തൃശൂര്‍ ജില്ലാ കമ്മിറ്റി പ്രതീഷേധ കൂട്ടായ്മ സംഘടിപ്പിച്ചു. ചാവക്കാട് നഗരസഭാ പരിസരത്ത് സംഘടിപ്പിച്ച കൂട്ടായ്മ ഓള്‍ ഇന്ത്യാ ഇമാംസ് കൗണ്‍സില്‍ സംസ്ഥാന സമിതിയംഗം എം.ഇ.എം അഷ്‌റഫ് മൗലവി ഉദ്ഘാടനം ചെയ്തു. ജില്ലാ പ്രസിഡന്റ് ഷിഹാബുദ്ദീന്‍ ബാഖവി അധ്യക്ഷനായി.
അഫ്‌സല്‍ ഖാസിമി മുഖ്യപ്രഭാഷണം നടത്തി. കേരള മഹല്ല് ജമാഅത്ത് യൂത്ത് കൗണ്‍സില്‍ സംസ്ഥാന വൈസ് പ്രസിഡന്റ് അബ്ദുല്‍ സലീം മൗലവി കടലായി, പോപ്പുലര്‍ ഫ്രണ്ട് ജില്ലാ പ്രസിഡന്റ് വി.എസ് അബൂബക്കര്‍, എസ്.ഡി.പി നേതാവ് ടി.കെ മുകുന്ദന്‍, യു അക്ബര്‍ ഷാ എന്നിവര്‍ സംസാരിച്ചു. ജില്ലാ സെക്രട്ടി അബ്ദുറസാഖ് അഷ്‌റഫി സ്വാഗതവും മുസ്തഫ നിസാമി നന്ദിയും പറഞ്ഞു.