മാള: വഴിയില്‍ നിന്ന് കളഞ്ഞ് കിട്ടിയ 32,800 രൂപയും രേഖകളും അടങ്ങുന്ന ബാഗ് തിരിച്ചേല്‍പ്പിച്ച് ഓട്ടോ ഡ്രൈവര്‍ മാതൃകയായി. മാള ഐരാണിക്കുളം സ്വദേശിയായ ഗോവിന്ദപ്പറമ്പില്‍ ശശിക്കാണ് റോഡില്‍ നിന്ന് ബാഗ് ലഭിച്ചത്. തന്‍കുളം സ്വദേശിയായ ചക്കമ്മത്ത് ദിനേശന്റെ ഭാര്യ അനുമോളുടെ ബാഗാണ് സ്‌കൂട്ടറില്‍ പോകുന്നതിനിടെ തെറിച്ച് വീണത്. ബാങ്കില്‍ നിന്നെടുത്ത പണവും റേഷന്‍ കാര്‍ഡും, എ.ടി.എം.കാര്‍ഡും ഫോണും ബാഗില്‍ ഉണ്ടായിരുന്നു. ബാഗ് നഷ്ടപ്പെട്ടതറിഞ്ഞ ഇവര്‍ പൊലിസ് സ്റ്റേഷനില്‍ പരാതിയുമായി എത്തിയപ്പോഴാണ് ബാഗ് സ്റ്റേഷനില്‍ ശശി ഏല്‍പിച്ച വിവരം അറിഞ്ഞത്. തുടര്‍ന്ന് ഉടമയ്ക്ക് ബാഗ് ശശി കൈമാറി.