ആലപ്പുഴ: ഗുരുധര്‍മ പ്രചരണ സഭ ആലപ്പുഴ ജില്ലാ കമ്മറ്റി നേതൃത്വത്തില്‍ സംഘടിപ്പിച്ചിരിക്കുന്ന പ്രഥമ ശിവഗിരി തീര്‍ഥാടന പദയാത്ര 24ന് ആരംഭിക്കുമെന്ന് സംഘാടകര്‍ പത്രസമ്മേളനത്തില്‍ അറിയിച്ചു.
ചേര്‍ത്തല വിശ്വഗാജി മഠത്തില്‍ വൈകുന്നേരം നടത്തുന്ന ചടങ്ങില്‍ പദയാത്ര ഉദ്ഘാടനം നടക്കും. 25ന് രാവിലെ ഏഴിന് ആരംഭിക്കുന്ന പദയാത്ര 30ന് ശിവഗിരിയിലെത്തും. 31ന് ശിവഗിരിയില്‍ നടക്കുന്ന പ്രധാന ഘോഷയാത്രയിലും പങ്കാളികളാകും. 84-ാമത് ശിവഗിരി തീര്‍ഥാടനത്തെ അനുസ്മരിച്ച് 84 പേരാണ് പദയാത്ര സംഘത്തിലുള്ളത്. ഗുരുധര്‍മ പ്രചരണ സഭയെക്കൂടാതെ സമാനചിന്താഗതിക്കാരായ സംഘടനകളെക്കൂടി ഉള്‍പ്പെടുത്തിയാണ് പദയാത്ര സംഘടിപ്പിച്ചിരിക്കുന്നതെന്ന് ഗുരുധര്‍മ പ്രചരണ സഭ ജില്ലാ പ്രസിഡന്റ് ആര്‍. സി. രാജീവ്, സെക്രട്ടറി ഡി. ശിശുപാലന്‍, പദയാത്ര സംഘാടകസമിതി ചെയര്‍മാന്‍ ബിനോയ്, ക്യാപ്റ്റന്‍ എം.ഡി. സലിം, എസ്.ഡി. രവി, എം.കെ. സുരേന്ദ്രന്‍ എന്നിവര്‍ പത്രസമ്മേളനത്തില്‍ അറിയിച്ചു.