വെള്ളറട: കെ.എന്‍.എം.എസ് ബി.എഡ് കോളജ്-പാക്കോട് റോഡില്‍ ഇലക്ട്രിക് പോസ്റ്റ് കുറുകെ വീണ് ഗതാഗതം നിലച്ചിട്ട് നാല് ദിവസമായി. വൈദ്യുതി ബന്ധവും നാല് ദിവസമായിട്ടും പുനസ്ഥാപിച്ചിട്ടില്ല. വെള്ളറട വൈദ്യുതി സെക്ഷന്റെ കെടുകാര്യസ്ഥതയാണ് പിന്നിലെന്ന പരാതി വ്യാപകമാണ്. സെക്ഷന്‍ ഓഫിസില്‍ വിളിക്കുമ്പോള്‍ ശരിയാക്കാം എന്ന മറുപടിയാണ് നാട്ടുകാര്‍ ലഭിക്കുന്നത്. ഭരണം മാറിയപ്പോള്‍ വെള്ളറട വൈദ്യുതി സെക്ഷന്‍ ജീവനക്കാരുടെ നിലപാടും മാറിയെന്നാണാക്ഷേപം. റോഡുവക്കില്‍ നിന്നുള്ള മുള്ളുവേലിയും റോഡില്‍ പതിച്ചതോടെ കാല്‍നടയാത്രയും ദുസഹമായിരിക്കുകയാണ്.