തിരുവനന്തപുരം:ക്രിസ്മസ്-പുതുവല്‍സരാഘോഷങ്ങളുടെ 'ഭാഗമായി കേരള ഖാദി ഗ്രാമവ്യവസായ ബോര്‍ഡ് ഡിസംബര്‍ 14 മുതല്‍ 31 വരെ ഖാദി തുണിത്തരങ്ങള്‍ക്ക് 30 ശതമാനം റിബേറ്റ് അനുവദിച്ചു. ഖാദി, കോട്ടണ്‍-സില്‍ക്ക്-സ്പണ്‍ സില്‍ക്ക് തുണി ഉല്‍പ്പന്നങ്ങള്‍ക്കും ഖാദി-സില്‍ക്ക് റെഡി മെയ്ഡ് വസ്ത്രങ്ങള്‍ക്കും 30 ശതമാനം റിബേറ്റ് ലഭിക്കും.
ഖാദിഗ്രാമ വ്യവസായ ബോര്‍ഡിന്റെ കീഴില്‍ പ്രവര്‍ത്തിക്കുന്ന വില്പന കേന്ദ്രങ്ങളിലും, ഖാദിബോര്‍ഡിന്റെയോ കേന്ദ്ര ഖാദി കമ്മീഷന്റെയോ അംഗീകാരത്തോടെ പ്രവര്‍ത്തിക്കുന്ന വില്പന കേന്ദ്രങ്ങളിലും മാത്രമേ അനുകൂല്യം ലഭിക്കുകയുള്ളൂ എന്നും സെക്രട്ടറി അറിയിച്ചു.