കോഴിക്കോട്: സിറ്റി നോര്‍ത്ത് മണ്ഡലം മുസ്‌ലിം ലീഗ്- യൂത്ത് ലീഗ് കമ്മിറ്റിയുടെ ആഭിമുഖ്യത്തില്‍ സായാഹ്ന ധര്‍ണ നടത്തി. നോട്ട് പ്രതിസന്ധി, റേഷന്‍ സംവിധാനത്തിലെ തകര്‍ച്ച, സഹകരണ മേഖലയിലെ പ്രതിസന്ധി തുടങ്ങിയ വിഷയങ്ങളില്‍ അടിയന്തര നടപടികള്‍ സ്വീകരിക്കണമെന്നാവശ്യപ്പെട്ടാണ് ധര്‍ണ സംഘടിപ്പിച്ചത്.
മാനാഞ്ചിറ വൈക്കം മുഹമ്മദ് ബഷീര്‍ റോഡ് ജങ്ഷനില്‍ നടന്ന ധര്‍ണ ലീഗ് സംസ്ഥാന സെക്രട്ടറി എം.സി മായിന്‍ ഹാജി ഉദ്ഘാടനം ചെയ്തു. എസ്.വി ഹസന്‍ കോയ അധ്യക്ഷനായി. നവാസ് പൂനൂര്‍, കെ.സി അബു, ജഅ്ഫര്‍ സാദിഖ്, അഡ്വ. പി.എം സുരേഷ് ബാബു, സാജിദ് നടുവണ്ണൂര്‍, പി.കെ ഫിറോസ്, പി. ഇസ്മാഈല്‍, ടി.പി.എം ജിസാന്‍, ടി.പി.എം ഹാഷിറലി സംസാരിച്ചു.