ആലുവ: ഇന്ത്യന്‍ ദേശീയത ബഹുസ്വരതയുടെ സൃഷ്ടിയാണെന്നും വിവിധ ഘടകങ്ങള്‍ സമ്മേളിച്ചതിന്റെ ഫലമായാണ് അത് രൂപപ്പെട്ടതെന്നും എസ്.കെ.എസ്.എസ്.എഫ്     ജില്ലാ ജന.സെക്രട്ടറി പി.എം.ഫൈസല്‍ കങ്ങരപ്പടി അഭിപ്രായപ്പെട്ടു.
എസ്.കെ.എസ്.എസ്.എഫ്  എടത്തല ക്ലസ്റ്റര്‍ കമ്മറ്റി സംഘടിപ്പിച്ച ബാബരി അനുസ്മരണവും പ്രാര്‍ത്ഥനാ സംഗമവും ഉല്‍ഘാടനം ചെയ്തു സംസാരിക്കുകയായിരുന്നു അദ്ദേഹം. ക്ലസ്റ്റര്‍ പ്രസിഡന്റ്    ഷാജഹാന്‍ അല്‍ ഖാസിമി അധ്യക്ഷത വഹിച്ചു. എസ്.കെ.എസ്.എസ്.എഫ് മീലാദ് കാമ്പയിനിന്റെ ക്‌ളസ്റ്റര്‍തല ഉദ്ഘാടനം സംസ്ഥാന സെക്രട്ടേറിയേറ്റ് മെമ്പര്‍ നൗഫല്‍ കുട്ടമ്മശേരി നിര്‍വഹിച്ചു. ഷെമീര്‍ ഫൈസി പല്ലാരിമംഗലം മുഖ്യ പ്രഭാഷണം നടത്തിയ ചടങ്ങില്‍      പ്രാര്‍ഥനാ സംഗമത്തിന് ഉസ്മാന്‍ ഫൈസിയും ബാവാ ഫൈസിയും നേതൃത്വംനല്‍കി. ക്‌ളസ്റ്റര്‍ ജന:സെക്രട്ടറി സിദ്ദിഖ് കുഴിവേലിപ്പടി സ്വാഗതവും ട്രഷറര്‍ സെയ്തുമുഹമ്മദ് നന്ദിയും പറഞ്ഞു.