തിരുവനന്തപുരം: സംസ്ഥാനത്ത് കഴിഞ്ഞ ആറു മാസം കൊണ്ട് അഴിമതി കുറഞ്ഞതായി വിജിലന്‍സ് ഡയറക്ടര്‍ ജേക്കബ് തോമസ്.
അഴിമതി വിരുദ്ധ ദിനാചരണത്തിന്റെ ഭാഗമായി തിരുവനന്തപുരത്ത് സംഘടിപ്പിച്ച ചടങ്ങില്‍ സംസാരിക്കുകയായിരുന്നു അദ്ദേഹം. 2015 ല്‍ ഓര്‍ക്കാന്‍ മറന്ന് പോയ ദിനമാണ് അന്താരാഷ്ട്രാ അഴിമതി വിരുദ്ധദിനം. അഴിമതി ആഴത്തില്‍ വേരോടുന്ന സമയത്ത് അഴിമതിയെയും അഴിമതിക്കാരെയും എതിര്‍ക്കുക എളുപ്പമല്ലെന്നും അദ്ദേഹം പറഞ്ഞു. കഴിഞ്ഞ ആറുമാസം മുമ്പുവരെ ചില വകുപ്പുകളില്‍ അഴിമതി കൂടുതലായിരുന്നു.
എന്നാല്‍ കേരളാ അഴിമതിവിരുദ്ധ ബെഞ്ചിന്റെ രണ്ടാമത്തെ സര്‍വേ പ്രകാരം ആ വകുപ്പുകളിലെ അഴിമതി ആറ് മാസത്തിനിടെ കുറഞ്ഞിട്ടുണ്ട്. അതുകൊണ്ട് തന്നെ ഇന്ന് അഴിമതിക്കെതിരെ പ്രതിജ്ഞ ചൊല്ലാന്‍ സാധിക്കുമെന്നും അദ്ദേഹം പറഞ്ഞു.