മുട്ടില്‍: സുല്‍ത്താന്‍ ബത്തേരി ഉപജില്ലാ സ്‌കൂള്‍ കലോത്സവത്തോടനുബന്ധിച്ച് നടന്ന അറബിക് കലാമേളയില്‍ തുടര്‍ച്ചയായി 15-ാം തവണയും മുട്ടില്‍ ഓര്‍ഫനേജ് യു.പി സ്‌കൂള്‍ ഓവറോള്‍ ചാംപ്യന്‍ഷിപ്പ് നേടി. പങ്കെടുത്ത മുഴുവന്‍ ഇനങ്ങളിലും എ ഗ്രേഡ് നേടുകയും അഞ്ചിനങ്ങള്‍ക്ക് ജില്ലാ സ്‌കൂള്‍ കലോത്സവത്തില്‍ പങ്കെടുക്കാന്‍ അര്‍ഹരാവുകയും ചെയ്തു. മികച്ച വിജയം നേടിയ വിദ്യാര്‍ഥികളെ പി.ടി.എ അനുമോദിച്ചു. പ്രസിഡന്റ് ലത്തീഫ് കക്കറത്ത് അധ്യക്ഷനായി. മുജീബ് ഫൈസി, പി നൗഷാദ്, മദര്‍ പി.ടി.എ പ്രസിഡന്റ് സ്വപ്ന അബ്ദുല്ല, പി സീന റഫീഖ്, കെ നസീര്‍, അഷ്‌റഫ് സംസാരിച്ചു. പ്രധാനാധ്യാപിക മോളി കെ ജോര്‍ജ്ജ് സ്വാഗതവും എം അബ്ദുല്ല നന്ദിയും പറഞ്ഞു.