അന്തിക്കാട്: ഒമ്പതാമത് അന്തിക്കാട് ദേശവിളക്ക് മഹോത്സവവും ധര്‍മ്മശാസ്ത പുരസ്‌കാര സമര്‍പ്പണവും വിപുലമായ ചടങ്ങുകളോടെ ആഘോഷിക്കുമെന്ന് ജനറല്‍ കണ്‍വീനര്‍ അന്തിക്കാട് പത്മനാഭന്‍ വാര്‍ത്താ സമ്മേളനത്തില്‍ അറിയിച്ചു.
17 ന് രാവിലെ 6 ന് ഗണപതി ഹോമത്തോടെ ചടങ്ങുകള്‍ ആരംഭിക്കും. 8 ന് പന്തലില്‍ പൂജ, കാല്‍നാട്ട് കര്‍മം എന്നിവ നടക്കും. ഭജന, പാലകൊമ്പ് എഴുന്നള്ളിപ്പ്, പ്രസാദ ഉട്ട്, ശാസ്താംപാട്ട് എന്നിവ നടക്കും.18 ന് പുര്‍ച്ചെ 3ന് പാര്‍ക്കിണ്ടി എഴുന്നള്ളിപ്പോടെ ചടങ്ങുകള്‍ സമാപിക്കും.
ബ്രഹ്മശ്രീ പഴങ്ങാ പറമ്പ് നന്ദന്‍ നമ്പൂതിരി മുഖ്യകാര്‍മികനാകും. കലാ സാംസ്‌ക്കാരിക രംഗത്ത് മികവ് തെളിയിച്ച ഡോ. കെ.കെ വിശ്വഭാരതിക്ക്, പ്രശസ്തി പത്രം പൊന്നാട, ഉപഹാരം എന്നിവ നല്‍കി സി.എന്‍ ജയദേവന്‍ എം.പി ചടങ്ങില്‍ ആദരിക്കും.