സുല്‍ത്താന്‍ ബത്തേരി: മൂന്ന് പതിറ്റാണ്ട് സുല്‍ത്താന്‍ ബത്തേരി ഗ്രാമപഞ്ചായത്തിന്റെ പ്രസിഡന്റായി പ്രവര്‍ത്തിച്ച പി.സി അഹമ്മദ് ഹാജിയുടെ അനുസ്മരണവും സ്മരണിക പ്രകാശനവും ഈ മാസം 19ന് ഉച്ചക്ക് രണ്ട് മണിക്ക് നഗരസഭാ ഹാളില്‍ നടക്കുമെന്ന് ബത്തേരി നിയോജക മണ്ഡലം മുസ്്‌ലിം ലീഗ് കമ്മിറ്റി ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. അനുസ്മരണ പരിപാടി പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്യും. പി.സി ഓര്‍മകളിലൂടെ എന്ന സ്മരണികയുടെ പ്രകാശനം ഇ.ടി മുഹമ്മദ് ബഷീര്‍ എം.പി, പി.സി ഫൈസല്‍ ഹാജി, പി.സി ത്വാഹിര്‍, ഡോ.പി.സി അന്‍വര്‍ എന്നിവര്‍ക്ക് കൈമാറി നിര്‍വഹിക്കും. എം.പി വീരേന്ദ്രകുമാര്‍ എം.പി അനുസ്മരണ പ്രഭാഷണം നടത്തും. എം.ഐ ഷാനവാസ് എം.പി, എം.എല്‍.എമാരായ സി.കെ ശശീന്ദ്രന്‍, ഐ.സി ബാലകൃഷ്ണന്‍, സി മമ്മൂട്ടി, വനിതകമ്മിഷന്‍ അധ്യക്ഷ കെ.സി റോസകുട്ടി ടീച്ചര്‍ തുടങ്ങിയ സാമൂഹിക സാംസ്‌ക്കാരിക രാഷ്്ട്രീയ രംഗത്തെ പ്രമുഖര്‍ പങ്കെടുക്കും. ചടങ്ങില്‍ സാമൂഹിക, വിദ്യാഭ്യാസ മേഖലകളില്‍ മികച്ച പ്രകടനം നടത്തിയ സ്ഥാപനങ്ങള്‍ക്ക് ഏര്‍പ്പെടുത്തിയ പി.സി സ്മാരക അവാര്‍ഡുകള്‍ വിതരണം ചെയ്യുമെന്നും ഭാരവാഹികളായ ടി മുഹമ്മദ്, പി.പി അയ്യൂബ്, അബ്ദുല്ല മാടക്കര, എം.എ അസൈനാര്‍, അഹമ്മദ്കുട്ടി എന്നിവര്‍ അറിയിച്ചു.