പട്ടാമ്പി: നൗഷാദ് ബാഖവിയുടെ (ചിറയന്‍കീഴ്) യുടെ ഈ വര്‍ഷത്തെ ഹുബ്ബുര്‍റസൂല്‍ പ്രഭാഷണം ഇന്നും നാളെയും ദാറുല്‍ അന്‍വാര്‍ ഇസ്‌ലാമിക് കോംപ്ലക്‌സ് കമ്മിറ്റിയുടെ ആഭിമുഖ്യത്തില്‍ പള്ളിപ്പുറം മൂന്നുമൂല അന്‍വാര്‍ നഗറില്‍ നടക്കും. പ്രഭാഷണത്തോടനുബന്ധിച്ച് രണ്ട് ദിവസങ്ങളിലായി പ്രവാചകപ്രകീര്‍ത്തന ആത്മീയ സദസും, മജ്‌ലിസുന്നൂര്‍ ആത്മീയ സദസ്സും സംഘടിപ്പിച്ചിട്ടുണ്ട്.
ഇന്ന് വൈകുന്നേരം ഏഴിന് നടക്കുന്ന പ്രവാചക പ്രകീര്‍ത്തന സദസിന് സമസ്ത കേന്ദ്ര മുശാവറ അംഗം സയ്യിദ് കെ.പി.സി. തങ്ങള്‍ വല്ലപ്പുഴ നേതൃത്വം നല്‍കും. തുടര്‍ന്ന് സമസ്ത കേരള ജംഇയ്യത്തുല്‍ ഉലമാ സംസ്ഥാന ട്രഷറര്‍ സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും.
ജനറല്‍ സെക്രട്ടറി അല്‍ഹാജ് സി.കെ.എം. സാദിഖ് മുസ്‌ലിയാര്‍ അധ്യക്ഷനാകും, ചെമ്പുലങ്ങാട് സി.പി. മുഹമ്മദ് കുട്ടി മുസ്‌ലിയാര്‍ പ്രാര്‍ഥനക്ക് നേതൃത്വം നല്‍കും. സി.എ.എം.എ കരീം പ്രസംഗിക്കും. നൗഷാദ് ബാഖവി ഹുബ്ബുര്‍റസൂല്‍ പ്രഭാഷണം നടത്തും. സ്വാഗത സംഘം ജനറല്‍ കണ്‍വീനര്‍ പി.കെ. മുഹമ്മദ് കുട്ടി മുസ്‌ലിയാര്‍ സ്വാഗതവും ട്രഷറര്‍ വി.പി. കുഞ്ഞിപ്പു ഹാജി നന്ദിയും പറയും.
നാളെ വൈകുന്നേരം ഏഴിന് നടക്കുന്ന മജ്‌ലിസുന്നൂറിന് എസ്.വൈ.എസ് സംസ്ഥാന വൈസ് പ്രസിഡന്റ് പി.കെ. ഇമ്പിച്ചിക്കോയ തങ്ങള്‍ നേതൃത്വം നല്‍കും. കേരള വഖ്ഫ് ബോര്‍ഡ് ചെയര്‍മാന്‍ പാണക്കാട് സയ്യിദ് റഷീദലി ശിഹാബ് തങ്ങള്‍ ഉദ്ഘാടനം ചെയ്യും. സ്വാഗത സംഘം ചെയര്‍മാന്‍ പി. അഹമ്മദ് എന്ന കുഞ്ഞിപ്പു മുസ്‌ലിയാര്‍ അധ്യക്ഷനാകും. ദാറുല്‍ അന്‍വാര്‍ തഹ്ഫീളുല്‍ ഖുര്‍ആന്‍ കോളജ് പ്രിന്‍സിപ്പല്‍ സാജിദ് മുസ്‌ലിയാര്‍ പ്രാര്‍ഥന നടത്തും. പി മുഹമ്മദ് കുട്ടി മുസ്‌ലിയാര്‍. പി.ടി. മുഹമ്മദ് കുട്ടി ഹാജി പ്രസംഗിക്കും.
നൗഷാദ് ബാഖവി ഹുബ്ബുര്‍റസൂല്‍ പ്രഭാഷണം നടത്തും. കോംപ്ലക്‌സ് സെക്രട്ടറി ടി.കെ. മുഹമ്മദ് കുട്ടി ഫൈസി കരുവാന്‍പടി സ്വാഗതവും പ്രോഗ്രാം കമ്മിറ്റി ചെയര്‍മാന്‍ കെ.പി.എ. സമദ് മാസ്റ്റര്‍ പൈലിപ്പുറം നന്ദിയും പറയും.