കോഴിക്കോട്: വിവിധ ചടങ്ങുകളില്‍ പങ്കെടുക്കാന്‍ മുഖ്യമന്ത്രി പിണറായി വിജയന്‍ ഇന്നു ജില്ലയിലെത്തും. രാവിലെ 10ന് പന്നിയങ്കര മേല്‍പ്പാലം നാടിനു സമര്‍പ്പിക്കും. 11.30ന് പയ്യടിമേത്തല്‍ പൂത്തൂര്‍ ദേശസേവിനി വായനശാലയില്‍ നടക്കുന്ന ചടങ്ങില്‍ സ്റ്റേറ്റ് ലൈബ്രറി കൗണ്‍സില്‍ പുരസ്‌കാരങ്ങള്‍ മുഖ്യമന്ത്രി വിതരണം ചെയ്യും.
3.30ന് മാവൂര്‍ റോഡ് കാലിക്കറ്റ് ടവറില്‍ നടക്കുന്ന ചടങ്ങില്‍ സി.എച്ച് അവാര്‍ഡ് സമര്‍പ്പണം നിര്‍വഹിക്കുന്ന മുഖ്യമന്ത്രി വൈകിട്ട് ആറിന് ഇരിങ്ങല്‍ സര്‍ഗാലയയില്‍ ആര്‍ട്ട്‌സ് ആന്‍ഡ് ക്രാഫ്റ്റ് ഫെസ്റ്റിവലും ഉദ്ഘാടനം ചെയ്ത ശേഷമാണ് മടങ്ങുക.