കോഴിക്കോട്:  കോഴിക്കോട് ഇന്‍ഡോര്‍ സ്റ്റേഡിയത്തില്‍ നടന്ന സംസ്ഥാന ജൂനിയര്‍ ഗുസ്തി ചാംപ്യന്‍ഷിപ്പില്‍ ആണ്‍കുട്ടികളുടെ വിഭാഗത്തില്‍ തിരുവനന്തപുരവും പെണ്‍കുട്ടികളുടെ വിഭാഗത്തില്‍ പത്തനംതിട്ടയും ജേതാക്കള്‍. ആണ്‍കുട്ടികളുടെ ഗ്രീക്കോ റോമന്‍, ഫ്രീ സ്റ്റൈല്‍ വിഭാഗത്തിലാണ് തിരുവനന്തപുരം ജേതാക്കളായത്.  പാലക്കാടിനാണ് രണ്ടാം സ്ഥാനം. പെണ്‍കുട്ടികളുടെ ഫ്രീ സ്റ്റൈല്‍ വിഭാഗത്തില്‍ പത്തനംതിട്ടയാണ് ജേതാക്കള്‍.  കോട്ടയത്തിനാണ് രണ്ടാം സ്ഥാനം. ഗുസ്തി ഫെഡറേഷന്‍ ഓഫ് ഇന്ത്യ സെക്രട്ടറി വി.എന്‍ പ്രസൂദ് സമ്മാനങ്ങള്‍ വിതരണം ചെയ്തു