ഇന്‍സ്റ്റിറ്റ്യൂട്ട് ഓഫ് ഹ്യൂമന്‍ റിസോഴ്‌സസ് ഡെവലപ്‌മെന്റ് (ഐ.എച്ച്.ആര്‍.ഡി) 2017 ജനുവരി മുതല്‍ നടത്തുന്ന പോസ്റ്റ് ഗ്രാജ്വേറ്റ് ഡിപ്ലോമ ഇന്‍ കംപ്യൂട്ടര്‍ ആപ്ലിക്കേഷന്‍ (പി.ജി.ഡി.സി.എ) പ്രവേശനത്തിന് അപേക്ഷ ക്ഷണിച്ചു. തിരുവനന്തപുരം മേഖലാ കേന്ദ്രത്തിലും വാഴക്കാട്, അടൂര്‍, പീരുമേട്, പട്ടുവം, കോഴിക്കോട്, പയ്യന്നൂര്‍, കാര്‍ത്തികപ്പള്ളി അപ്ലൈഡ് സയന്‍സ് കോളജുകളിലും കരുനാഗപ്പള്ളി, മാള, വടകര, കല്ല്യാശേരി, മറ്റക്കര മോഡല്‍ പോളിടെക്‌നിക്കുകളിലും മുട്ടം (തൊടുപുഴ), പെരിന്തല്‍മണ്ണ, പുതുപ്പള്ളി, ആലുവ ടെക്‌നിക്കല്‍ ഹയര്‍ സെക്കന്‍ഡറി സ്‌കൂളുകളിലും തിരൂര്‍, കുറ, വാളഞ്ചേരി, രാജാക്കാട്, ചേര്‍പ്പ് എക്സ്റ്റന്‍ഷന്‍ ട്രെയിനിങ് സെന്ററുകളിലുമാണ് കോഴ്‌സുകള്‍.

ഏതെങ്കിലും അംഗീകൃത സര്‍വകലാശാലാ ബിരുദമാണ് പ്രവേശനയോഗ്യത . അപേക്ഷാഫോമും നിബന്ധനകളും ഐ.എച്ച്.ആര്‍.ഡി വെബ്‌സൈറ്റില്‍ www.ihrd.ac.in നിന്നും ട്രെയിനിങ് സെന്ററുകളിലും ലഭിക്കും. പൂരിപ്പിച്ച അപേക്ഷ രജിസ്‌ട്രേഷന്‍ ഫീസായ (ബന്ധപ്പെട്ട ട്രെയിനിങ് സെന്റര്‍ മേധാവിയുടെ പേരില്‍ എടുത്ത) 150 രൂപയുടെ ഡിമാന്‍ഡ് ഡ്രാഫ്റ്റ് (പട്ടികജാതി, പട്ടികവര്‍ഗ വിഭാഗത്തിന് 100 രൂപ) സഹിതം ബന്ധപ്പെട്ട ട്രെയിനിങ് സെന്ററില്‍ ഡിസംബര്‍ 22ന് മുന്‍പ് ലഭിക്കണം.