തൃശൂര്‍: അടിയാട്ട് അയ്യപ്പന്‍ ചരിഞ്ഞു. നാട്ടാന ഗണത്തില്‍ ഇതുപോലെ സുന്ദരനുണ്ടായിട്ടില്ലെന്ന് ആന പ്രേമികള്‍ പറയുന്നു. കടഞ്ഞെടുത്തപോലുള്ള ചന്തം. ഉദര രോഗത്താല്‍ വലഞ്ഞ അയ്യപ്പന്റെ വിയോഗം ഇന്നലെ പുലര്‍ച്ചെയായിരുന്നു. പിണ്ടം പോകാത്തതായിരുന്നു കാരണം. സംസ്‌കാരം കോടനാട്ട് നടത്തി. അയ്യപ്പന്റെ മരണത്തില്‍ സങ്കടം സഹിക്കവയ്യാതെ പാപ്പാന്‍ സജി ജഡത്തില്‍ കെട്ടിപ്പിടിച്ച് കരഞ്ഞത് ആന പ്രേമികളില്‍ നൊമ്പരമുണ്ടാക്കി. പ്രമുഖ വ്യവസായി പത്മശ്രീ ഡോ.ടി.എ സുന്ദര്‍മേനോന്റെ സ്വന്തം ആനയാണ് അടിയാട്ട് അയ്യപ്പന്‍.