മെഡിക്കല്‍കോളജ്: ശല്യം ചെയ്തതിനെ എതിര്‍ത്തതിന് പെണ്‍കുട്ടിയെ നടുറോഡില്‍ ചവിട്ടി വീഴ്ത്തി ബൈക്കില്‍ കടന്നുകളഞ്ഞ യുവാവ് പിടിയില്‍. ഇഞ്ചിക്കല്‍ വള്ളക്കടവ് എം.എച്ച് ഹൗസില്‍ ഹബീബ് (23) ആണ് പിടിയിലായത്.
മെഡിക്കല്‍കോളജ് ചാലക്കുഴി റോഡില്‍ കഴിഞ്ഞദിവസമാണ് സംഭവം.കോട്ടയം സ്വദേശിനിയും ചാലക്കുഴി റോഡിലെ ഹോസ്റ്റലിലെ താമസക്കാരിയുമായ യുവതിയാണ് അക്രമിയുടെ ചവിട്ടേറ്റ് വീണ് ഗുരുതരമായി പരുക്കേറ്റ നിലയില്‍ മെഡിക്കല്‍കോളജ് ആശുപത്രിയില്‍ ചികിത്സയിലുള്ളത്. പ്രതി സ്ഥിരം പ്രശ്‌നക്കാരനാണെന്നും നഗരത്തിലെ പല പൊലിസ് സ്റ്റേഷനുകളിലും ഇയാള്‍ക്കെതിരെ സമാന കേസുകളുണ്ടെന്ന് പൊലിസ് പറഞ്ഞു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.