തേഞ്ഞിപ്പലം: ദേശീയപാതയിലെ സ്ഥിരം അപകടമേഖലയായ പാണമ്പ്ര വളവില്‍ നിയന്ത്രണംവിട്ട ചരക്കുലോറി റോഡരികിലെ ഭിത്തിയില്‍തട്ടി നിന്നതു വന്‍ ദുരന്തം ഒഴിവാക്കി. ചൊവ്വാഴ്ച രാത്രിയാണ് സംഭവം.
വാഴ്‌സിറ്റി ഭാഗത്തുനിന്നു ചേളാരി ഭാഗത്തേക്ക് ഇറക്കമിറങ്ങി പോകുകയായിരുന്ന ചരക്കു ലോറിയാണ് അപകടത്തില്‍പെട്ടത്. റോഡരികിലെ സുരക്ഷാഭിത്തി കനിഞ്ഞില്ലായിരുന്നുവെങ്കില്‍ ലോറി സമീപത്തെ കൊക്കയിലേക്കു പതിക്കുമായിരുന്നു. റോഡരികില്‍ ബൈക്ക് നിര്‍ത്തിയിട്ടു ബൈക്കിലിരുന്ന് ഫോണ്‍വിളിക്കുകയായിരുന്ന ബൈക്ക് യാത്രികരെ ബസിടിച്ചും പാണമ്പ്രയില്‍ ഇന്നലെ ഉച്ചയ്ക്കു മറ്റൊരു അപകടംകൂടിയുണ്ടായി. ബൈക്ക് യാത്രികര്‍ നിസാര പരുക്കുകളോടെ രക്ഷപ്പെട്ടു.