തിരൂര്‍: മലയാള സര്‍വകലാശാല വിദ്യാര്‍ഥി യൂനിയന്‍ ഭാരവാഹികള്‍ സത്യപ്രതിജ്ഞ ചെയ്ത് ചുമതലയേറ്റു. വൈസ് ചാന്‍സലര്‍ കെ. ജയകുമാര്‍ സത്യവാചകം ചൊല്ലിക്കൊടുത്തു. യൂനിയന്‍ ഭാരവാഹികളായി സുജിത് പി.കെ (ചെയര്‍മാന്‍), എ. രമ്യ, എ.കെ മുഹമ്മദ് മര്‍ഷൂഖ് (വൈസ് ചെയര്‍മാന്‍മാര്‍), കെ.പി ശബരീഷ് (ജനറല്‍ സെക്രട്ടറി), സി.എല്‍ സരൂപ്, പി. സുമിഷ (ജോ. സെക്രട്ടറിമാര്‍), ഡിന്നുമോന്‍ പി.ജി (മാഗസിന്‍ എഡിറ്റര്‍), സി. അമൃത (ഫൈന്‍ ആര്‍ട്‌സ് സെക്രട്ടറി), എ. മുഹമ്മദ് ഫൈസല്‍ (സ്‌പോര്‍ട്‌സ് സെക്രട്ടറി) എന്നിവരും അസോസിയേഷന്‍ ഭാരവാഹികളുമാണ് ഇന്നലെ ചുമതലയേറ്റത്. സ്വതന്ത്രചിന്ത പരിപോഷിപ്പിക്കാനും സര്‍ഗാത്മകമായി പ്രവര്‍ത്തിക്കാനും യൂനിയന്‍ ശ്രദ്ധിക്കണമെന്ന് വൈസ് ചാന്‍സലര്‍ പറഞ്ഞു. രജിസ്ട്രാര്‍ ഡോ. കെ.എം ഭരതന്‍, സ്റ്റുഡന്റ് ഡീന്‍ ഡോ. ടി. അനിതകുമാരി സംസാരിച്ചു.