പരപ്പനങ്ങാടി: ചിറമംഗലം ടൗണില്‍ പാസഞ്ചര്‍ ഓട്ടോയും ഗുഡ്‌സ് ഓട്ടോയും കൂട്ടിയിച്ചുണ്ടായ അപകടത്തില്‍ മൂന്നു പേര്‍ക്ക് പരുക്ക്. ഇന്നലെ വൈകിട്ട് മൂന്നോടെയാണ് അപകടം. ആപെ പാസഞ്ചര്‍ ഓട്ടോയുടെ വീല്‍ ഊരിത്തെറിച്ചതിനെ തുടര്‍ന്നു നിയന്ത്രണംവിട്ട് എതിരേവന്ന ആപെ ഗുഡ്‌സ് ഓട്ടോയുമായി ഇടിച്ചു മറിയുകയാണുണ്ടായത്. പാസഞ്ചര്‍ വണ്ടിയിലെ ഡ്രൈവറടക്കം മൂന്നു പേര്‍ക്കാണ് പരുക്ക്.
കോണ്‍ക്രീറ്റ് ബില്‍ഡിങ് കട്ട് ചെയ്യുന്ന തൊഴിലാളികളാണ് ഇവര്‍. ഇടിയില്‍ പാസഞ്ചര്‍ ഓട്ടോ പൂര്‍ണമായും തകര്‍ന്നു. പരുക്ക് പറ്റിയവരില്‍ രണ്ടാളെ കോഴിക്കോട് മെഡിക്കല്‍ കോളജ് ആശുപത്രിയിലും ഒരാളെ പരപ്പനങ്ങാടിയിലെ സ്വകാര്യ ആശുപത്രിയിലും പ്രവേശിപ്പിച്ചു.