കണ്ണൂര്‍: കണ്ണൂര്‍ സര്‍വകലാശാല ആസ്ഥാനമായ താവക്കര കാംപസ് പ്ലാസ്റ്റിക് വിമുക്ത കാംപസായി പ്രഖ്യാപിച്ചു.
ഹരിത കേരളം പരിപാടിയുടെ സര്‍വകലാശാല തലത്തിലുള്ള ഉദ്ഘാടനത്തിനു ശേഷം തുടര്‍പരിപാടികള്‍ ആസൂത്രണം ചെയ്യാന്‍ ചേര്‍ന്ന യോഗത്തിലാണ് തീരുമാനം. പ്രവേശന കവാടത്തിനരികെ പ്ലാസ്റ്റിക് വിമുക്ത മേഖല എന്ന ബോര്‍ഡ് സ്ഥാപിക്കും. ജൈവ അജൈവ മാലിന്യങ്ങള്‍ ശേഖരിക്കുന്നതിന് പ്രത്യേകം മാലിന്യ സംഭരണികള്‍ സ്ഥാപിക്കും. ജനുവരി ഒന്നു മുതല്‍ കാംപസിനകത്തു പ്ലാസ്റ്റിക് മാലിന്യങ്ങള്‍ നിക്ഷേപിക്കുന്നത് കുറ്റകരമാക്കാനും നിയമം ലംഘിക്കുന്നവരില്‍ നിന്നു നൂറു രൂപ പിഴയീടാക്കാനും തീരുമാനമായി.