നീലേശ്വരം: ഹരിതകേരളം പദ്ധതിയുടെ ഭാഗമായി നീലേശ്വരം നഗരസഭയില്‍ 3000 കണ്ടല്‍ചെടികള്‍ വച്ചുപിടിപ്പിക്കും. പരിപാടിയുടെ ഉദ്ഘാടനം 25 നു രാവിലെ 9.30 നു കടിഞ്ഞിമൂലയില്‍ നടക്കും. പ്രാദേശിക കാര്‍ഷിക ശാസ്ത്രജ്ഞന്‍ പി.വി ദിവാകരന്‍ നടപ്പാക്കുന്ന ജീവനം പദ്ധതിയുമായി സഹകരിച്ചാണു ഇതു നടപ്പിലാക്കുക. നഗരസഭാ പരിധിയില്‍ നടന്നുവരുന്ന വിവിധ വിദ്യാലയങ്ങളുടെ എന്‍.എസ്.എസ് ക്യാംപിലെ വളണ്ടിയര്‍മാര്‍ ഇതില്‍ പങ്കാളികളാകും.
        ആലോചനാ യോഗത്തില്‍ ചെയര്‍മാന്‍ പ്രൊഫ.കെ.പി ജയരാജന്‍ അധ്യക്ഷനായി. ഉപാധ്യക്ഷ വി ഗൗരി, സ്ഥിരംസമിതി അധ്യക്ഷരായ എ.കെ കുഞ്ഞികൃഷ്ണന്‍, പി.പി മുഹമ്മദ്‌റാഫി, കൗണ്‍സലര്‍മാരായ എറുവാട്ട് മോഹനന്‍, പി കുഞ്ഞികൃഷ്ണന്‍, കെ തങ്കമണി, വി.വി സീമ, പി.കെ രതീഷ്, എം.വി വനജ സംസാരിച്ചു.