കാസര്‍കോട്: മുഴുവന്‍ നിയമനങ്ങളും പി.എസ്.സിക്കു വിടുക, ഒഴിവുള്ള തസ്തികകളില്‍ ഉടന്‍ നിയമനം നടത്തുക, പെന്‍ഷന്‍ പ്രായം ഉയര്‍ത്തുവാനുള്ള നീക്കം ഉപേക്ഷിക്കുക തുടങ്ങിയ വിവിധ ആവശ്യങ്ങള്‍  ഉന്നയിച്ചു യുവമോര്‍ച്ച ജില്ലാകമ്മിറ്റിയുടെ നേതൃത്വത്തില്‍ പി.എസ്.സി ഓഫിസിലേക്കു മാര്‍ച്ചും ധര്‍ണയും നടത്തി. മാര്‍ച്ച് സംസ്ഥാന മീഡിയസെല്‍ കണ്‍വീനര്‍ വിജയകുമാര്‍റൈ ഉദ്ഘാടനം ചെയ്തു. ജില്ലാ പ്രസിഡന്റ് പി.ആര്‍ സുനില്‍ അധ്യക്ഷനായി.
ബി.ജെ.പി മണ്ഡലം പ്രസിഡന്റ് സുധാമ ഗോസാഡ, നേതാക്കളായ അഞ്ജു ജോസ്, പ്രമീള മജല്‍, മഹേഷ്, സജിത്ത്, സുനില്‍ കെ.ടി രാജേഷ് കൈന്താര്‍,  ധനഞ്ജയന്‍ മധൂര്‍ സംസാരിച്ചു.