ചേന്ദമംഗലം: കുടുംബശ്രീയുടെ ആഭിമുഖ്യത്തില്‍ ആരംഭിക്കുന്ന ക്രിസ്മസ് ചന്തയുടെ ഉദ്ഘാടനം പഞ്ചായത്ത് പ്രസിഡന്റ് എ.എം ഇസ്മയില്‍ നിര്‍വഹിച്ചു.
ചടങ്ങില്‍ അദ്ദേഹം പ്രാദേശികമായി ഉല്‍പാദിപ്പിച്ച ക്രിസ്മസ് വിഭവമായ മുസാഡത് പഞ്ചായത്ത് അംഗം ഷിബു ചേരമാന്‍തുരുത്തിക്ക് നല്‍കി ആദ്യവില്‍പ്പന നടത്തി. ക്രിസ്മസ് ചന്ത വിപുലമായി സംഘടിപ്പിക്കുന്നതിന് എല്ലാവരുടെ സഹകരണം പ്രസിഡന്റ് അഭ്യര്‍ത്ഥിച്ചു.
ഇതോടനുബന്ധിച്ച് സംഘടിപ്പിച്ച യോഗത്തില്‍ പഞ്ചായത്ത് മെമ്പര്‍മാര്‍, സെക്രട്ടറി എം.കെ ഷിബു, ജൂനിയര്‍ സൂപ്രണ്ട് വി.ജി ഗോപകുമാര്‍, സി.ഡി.എസ് ചെയര്‍പേഴ്‌സണ്‍ ഷിപ്പി സെബാസ്റ്റ്യന്‍, എം.ഇ കണ്‍വീനര്‍ ജാന്‍സി ജെയിംസ്, ജെ.എല്‍.ജി കണ്‍വീനര്‍ ജൂലി സെബാസ്റ്റ്യന്‍, ആശ്രയ കണ്‍വീനര്‍ സുഷമ സോമസുന്ദരന്‍, വൈസ് ചെയര്‍പേഴ്‌സണ്‍ ധന്യ ധനേഷ്, മറ്റു സി.ഡി.എസ് അംഗങ്ങള്‍, അക്കൗണ്ടന്റ് ഷൈല എന്നിവര്‍ പങ്കെടുത്തു.