വണ്ണപ്പുറം:  രേഖകളില്ലാതെ അരിഷ്ടം വില്‍പന നടത്തിയതിന് ബി.ജെ.പിയുടെ പ്രദേശിക പ്രവര്‍ത്തകനെ എകസ്‌സൈസ് സംഘം പിടികൂടി.
മുള്ളരിങ്ങാട് കള്ളിപ്പാറ പ്ലാംതോട്ടത്തില്‍ കുഞ്ഞുമോനെയാണ് (50) എക്‌സൈസ് തൊടുപുഴ സര്‍ക്കിള്‍ ഇന്‍സ്‌പെക്ടര്‍ പി. വി ഷിബുവിന്റെ നേതൃത്വത്തില്‍ അറസ്റ്റ് ചെയ്തത്. വണ്ണപ്പുറം ചേലച്ചുവട്ടില്‍ ഇയാളുടെ കടയില്‍ അരിഷ്ടം വില്‍പന നടക്കുന്ന വിവരം ലഭിച്ചതിനെത്തുടര്‍ന്ന് ഇന്നലെ  മൂന്നുമണിയോടെ  നടത്തിയ പരിശോധനയില്‍ കടയില്‍നിന്ന് വിവിധ ഇനത്തിലുള്ള 37.5 ലിറ്റര്‍ അരിഷ്ടമാണ് പിടികൂടിയത്. ഇത് വില്‍ക്കുന്നതിനുള്ള ലൈസന്‍സോ മറ്റ് രേഖകളോ ഇയാളുടെ പക്കല്‍ ഇല്ലെന്ന് എക്‌സൈസ് അധികൃതര്‍ അറിയിച്ചു. പ്രതിയെ കോടതിയില്‍ ഹാജരാക്കി.