അവാര്‍ഡ് സമര്‍പ്പണം ഇന്ന്‌കൊല്ലം: സാമൂഹ്യപ്രവര്‍ത്തക ദയാബായിയുടെ പേരില്‍ ഏര്‍പ്പെടുത്തിയിരിക്കുന്ന 'ദയാബായി അര്‍പ്പണ അവാര്‍ഡ്' കലാഭവന്‍ മണിക്ക് മരണാനന്തര ബഹുമതിയായി നല്‍കും.
'പമ്പരം' കുട്ടിക്കൂട്ടമെന്ന സംഘടനയുടെ ആഭിമുഖ്യത്തില്‍ ഇന്ന് വൈകിട്ട് അഞ്ചിന് സോപാനം ഓഡിറ്റോറിയത്തില്‍ നടക്കുന്ന ചടങ്ങില്‍ 25,000 രൂപയും ഫലകവും പ്രശസ്തിപത്രവുമടങ്ങുന്ന അവാര്‍ഡ് ദയാബായിയില്‍ നിന്നും കലാഭവന്‍
മണിയുടെ കുടുംബം ഏറ്റുവാങ്ങും. ചടങ്ങിനുശേഷം പമ്പരം കുട്ടിക്കൂട്ടം നാടന്‍പാട്ട് അവതരിപ്പിക്കും.
കുട്ടികളില്‍ സര്‍ഗാത്മകത വളര്‍ത്തുന്നതിനും നാടക അവബോധമുണ്ടാക്കുന്നതിനും വേണ്ടി ജില്ലയില്‍ 2012-ല്‍ രൂപംകൊണ്ട സംഘടനയാണ് പമ്പരം കുട്ടിക്കൂട്ടം.