ശ്രീകണ്ഠപുരം: മാനവകുലത്തെ ഒന്നായി കാണുന്ന പ്രവാചക കാഴ്ചപ്പാടാണ് എല്ലാ കാലത്തും വര്‍ഗീയ വിരുദ്ധ പ്രവര്‍ത്തനങ്ങളില്‍ ഏറ്റവും വലിയ പാഠമെന്നും ശത്രുക്കളെപ്പോലും മിത്രങ്ങളായി കണ്ട മഹനീയ മാതൃകയാണ് പ്രവാചകന്‍ നമുക്കു കാണിച്ചു തന്നതെന്നും പ്രമുഖ വാഗ്മി ബഷീര്‍ വെള്ളിക്കോത്ത്. ശ്രീകണ്ഠപുരത്ത് സമസ്ത കേരള ജംഇയ്യത്തുല്‍ മുഅല്ലിമിന്‍ ശ്രീകണ്ഠപുരം റെയ്ഞ്ച്, ആന്റ് മദ്‌റസ മാനേജ്‌മെന്റ് കമ്മിറ്റി നേതൃത്വത്തില്‍ നടത്തിയ പൊതുസമ്മേളനത്തില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. റെയ്ഞ്ച് പ്രസിഡന്റ് സി അബ്ദുറഹ്മാന്‍ ഫൈസി അധ്യക്ഷനായി. സുന്നി മഹല്ല് ഫെഡറേഷന്‍ ജില്ലാ സെക്രട്ടറി പി.ടി മുഹമ്മദ് ഉദ്ഘാടനം ചെയ്തു. കെ മുഹമ്മദ് കുഞ്ഞി, സി.എച്ച് മുത്തലിബ് ഫൈസി, ഷരീഫ് ബാഖവി, കെ സലാഹുദ്ദീന്‍, സത്താര്‍ വളക്കൈ, മുത്തലിബ്‌നു റാനി സംസാരിച്ചു.
മിലാദ് റാലിക്ക് സത്താര്‍ വളക്കൈ, പി.ടി അബ്ദുറഹ്മാന്‍ ഫൈസി, മുത്തലിബ്‌നു റാനി, കരിം ബാഖവി, യു.പി അബൂബക്കര്‍ ഹാജി, സി അബ്ദുല്ല ഹാജി, മുഹമ്മദ് ദാരിമി, പി.എം മുഹമ്മദ് മൗലവി നേതൃത്വം നല്‍കി.