വെള്ളാങ്ങല്ലൂര്‍: വായന വ്യക്തിത്വ വികാസത്തിന് അനിവാര്യമാണെന്ന് അധ്യാപകനും എഴുത്തുകാരനുമായ തുമ്പൂര്‍ ലോഹിതാക്ഷന്‍ പറഞ്ഞു. ഇരിങ്ങാലക്കുട നാഷണല്‍ ഹയര്‍ സെക്കന്‍ഡറി സ്‌കൂള്‍ എന്‍.എസ്.എസിന്റെ സപ്തദിന സഹവാസ ശിബിരത്തില്‍ മുഖ്യാതിഥിയായി സംസാരിക്കുകയായിരുന്നു അദ്ദേഹം.
വായനയിലൂടെ വളരുന്ന തലമുറ സംസ്‌കാര സമ്പന്നരാകുമെന്നും അദ്ദേഹം പറഞ്ഞു. വെള്ളാങ്ങല്ലൂര്‍ ഗ്രാമപഞ്ചായത്ത് പ്രസിഡന്റ് പ്രസന്ന അനില്‍കുമാര്‍ ഉദ്ഘാടനം ചെയ്തു. എന്‍.എസ്.എസ് പ്രോഗ്രാം കണ്‍വീനര്‍ എ.നരേന്ദ്രന്‍ ക്യാംപ് വിവരണം നടത്തി.
ഗ്രാമപഞ്ചായത്ത് അംഗങ്ങളായ ആമിനാബി, സുലേഖ അബ്ദുള്ളക്കുട്ടി, എ.കെ.മജീദ്, പ്രധാനാധ്യാപിക പി.കെ.സീനത്ത്, അഹമ്മദ് ഫസലുള്ള, വി.എം.റഊഫ്, എം.എ.മൈഷൂക്ക്, കെ.കെ.ശിവരാമന്‍ എന്നിവര്‍ സംസാരിച്ചു. നാഷണല്‍ സ്‌കൂള്‍ പ്രിന്‍സിപ്പാള്‍ മിനി മോഹന്‍ ദാസ് സ്വാഗതവും എന്‍.എസ്.എസ് ലീഡര്‍ ഐശ്വര്യ നന്ദിയും പറഞ്ഞു.