കണ്ണാടിപ്പറമ്പ്: ദാറുല്‍ ഹസനാത്ത് ഇസ്‌ലാമിക് കോളജ് കലോത്സവം സമാപിച്ചു. ഇബ്തിദാ (പ്രീ പ്രൈമറി), ബിദായാ (പ്രൈമറി), ഊല (സബ് ജൂനിയര്‍), ഥാനിയ (ജൂനിയര്‍), ഥാനവിയ്യ (സീനിയര്‍), ആലിയ (സൂപ്പര്‍ സീനിയര്‍) എന്നീ ആറു വിഭാഗങ്ങളിലായി 336ഓളം ഇനങ്ങളില്‍ 250ഓളം മത്സരാര്‍ഥികള്‍ മാറ്റുരച്ചു.
ആല്‍ബട്രോസ്, ഫാല്‍ക്കണ്‍, ഹോക്‌സ്, ഫിനിക്‌സ് എന്നീ നാലു ടീമുകളാണ് കലാകായിക പോരാട്ടങ്ങളില്‍ ഏറ്റുമുട്ടിയത്. 3263 പോയിന്റുകള്‍ നേടി ടീം ഹോക്‌സ് വിജയികളായി. 3226 പോയിന്റുകളോടെ ടീം ഫാല്‍ക്കണ്‍ രïാംസ്ഥാനം നേടി. 2904 പോയിന്റുകളുമായി ആല്‍ബട്രോസും ഫിനിക്‌സും മൂന്നാംസ്ഥാനം പങ്കിട്ടു. സമാപന ചടങ്ങ് കോളജ് വൈസ് പ്രിന്‍സിപ്പല്‍ അനസ് ഹുദവി ഉദ്ഘാടനം ചെയ്തു. കെ.എന്‍ മുസ്തഫ അധ്യക്ഷനായി. നാളിമേ അഅ്‌ളം, കലാ പ്രതിഭ, കാംപസ് ടോപ്പര്‍, മാസ്റ്റര്‍ ബ്രൈന്‍ തുടങ്ങിയവര്‍ക്ക് പുരസ്‌കാരം സമര്‍പ്പിച്ചു. മഹമൂദ് മുസ്‌ലിയാര്‍, അബ്ദുല്‍ അസീസ് ബാഖവി, ആലിഹാജി കമ്പില്‍, എ.ടി മുസ്തഫ ഹാജി, ഒ.പി മൂസാന്‍ ഹാജി, കബീര്‍ കണ്ണാടിപ്പറമ്പ്, കെ.ടി ഷറഫുദീന്‍, സി.എച്ച് മുഹമ്മദ് കുട്ടി, ടി.പി അമീന്‍, മുനീര്‍ ഹാജി, അബ്ദു ഫൈസി, മായിന്‍, കെ.പി ഷഫീഖ്, ഖാലിദ് ഹാജി, അബ്ദുല്ല നൂഞ്ഞേരി, കെ.പി ഷാഫി, എം.വി ഹുസൈന്‍, കെ.പി അബൂബക്കര്‍ ഹാജി, കെ.സി അബ്ദുല്ല, കരീം ഹാജി, അഷ്‌റഫ് ഹാജി, അന്തൂട്ടി ഹാജി, അബൂബക്കര്‍ ഹാജി, ബി. യൂസഫ്, അനസ്, യൂസഫ് ഹസ്‌നവി, സിയാദലി ഹുദവി, മുബാറക് ഹുദവി, അബ്ദുല്‍ ബാസിത്, ഷരീഫ് നൂഞ്ഞേരി, നിയാസ്, സഫ്‌വാന്‍ ഹുദവി, ഫാറൂഖ് ഹസ്‌നവി സംസാരിച്ചു.