(മുള്ളേരിയ), കാസര്‍കോട്: മുള്ളേരിയയിലെ കേരള ഗ്രാമീണ ബാങ്ക് ശാഖയില്‍ കവര്‍ച്ച ശ്രമം. ചൊവ്വാഴ്ച പുലര്‍ച്ചെ ഒരുമണിയോടെയാണ് സംഭവം. മുള്ളേരിയ ടൗണില്‍ പ്രവര്‍ത്തിക്കുന്ന ബാങ്ക് കെട്ടിടത്തിന്റെ ജനലിലിന്റെ ഗ്രില്‍സ് മുറിച്ച് അകത്തുകടന്ന മോഷ്ടാവ് പണം സൂക്ഷിച്ചിരുന്ന ലോക്കര്‍ തകര്‍ക്കാന്‍ ശ്രമം നടത്തുന്നതിനിടെ ശബ്ദം കേട്ട് സെക്യൂരിറ്റി ജീവനക്കാരന്‍ ബാങ്കിനകത്ത് ചെന്നപ്പോള്‍ കവര്‍ച്ചാശ്രമം ഉപേക്ഷിച്ച് മോഷ്ടാവ് ഓടി രക്ഷപ്പെടുകയായിരുന്നു.

വിവരമറിഞ്ഞ് ആദൂര്‍ സി ഐയുടെ നേതൃത്വത്തിലുള്ള പൊലിസ് സംഘം ബാങ്കിലെത്തി. പരിശോധനയില്‍ ഒന്നും മോഷണം പോയിട്ടില്ലെന്ന് വ്യക്തമായി. സംഭവത്തില്‍ ആദൂര്‍ പൊലിസ് കേസെടുത്തു.