മലപ്പുറം: എസ്.കെ.എസ്.എസ്.എഫ് മദീനാപാഷനോടനുബന്ധിച്ചു ഹയര്‍സെക്കന്‍ഡറി വിദ്യാര്‍ഥികള്‍ക്കായി സംഘടിപ്പിക്കുന്ന കൊളോക്കിയം ജില്ലയില്‍ ഇന്നു തുടക്കമാകും. കാംപസ് വിങ്ങിനു കീഴില്‍ ജില്ലയിലെ മേഖലാ തലങ്ങളിലാണ് ഹയര്‍സെക്കന്‍ഡറി വിദ്യാര്‍ഥികളുടെ ക്യാംപ് സംഘടിപ്പിക്കുന്നത്.
ജില്ലാതല ഉദ്ഘാടനം ഇന്നു പെരിന്തല്‍മണ്ണ മേഖലയില്‍ നടക്കും. രാവിലെ ഒന്‍പതിനു വാവാസ് മാളില്‍ നടക്കുന്ന പരിപാടിയില്‍ ട്രെന്‍ഡ് കേരളാ ഡയറക്ടറും ട്രെയിനറുമായ എസ്.വി മുഹമ്മദലി ക്ലാസിനു നേതൃത്വം നല്‍കും. എസ്.വൈ.എസ് സംസ്ഥാന ട്രഷറര്‍ ഹാജി കെ. മമ്മദ് ഫൈസി, എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് ഫഖ്‌റുദ്ദീന്‍ ഹസനി തങ്ങള്‍ കണ്ണന്തളി, സയ്യിദ് സാബിഖലി ശിഹാബ് തങ്ങള്‍, ആനമങ്ങാട് മുഹമ്മദ്കുട്ടി ഫൈസി, ഡോ. ബഷീര്‍ പനങ്ങാങ്ങര, ശഹീര്‍ അന്‍വരി പുറങ്ങ്, മുസ്തഫ ഫൈസി വടക്കുമുറി, ഡോ. ശംസീറലി പുവ്വത്താണി, ശമീര്‍ ഫൈസി പുത്തനങ്ങാടി സംസാരിക്കും.