വണ്ടൂര്‍: രാജ്യത്തെ സാമ്പത്തിനിയന്ത്രണങ്ങള്‍ കാരണം ജീവിതം പ്രതിസന്ധിയിലായതിനെ തുടര്‍ന്ന് ക്ഷീരകര്‍ഷകര്‍ വണ്ടൂരില്‍ പാലൊഴുക്കി പ്രതിഷേധിച്ചു. സമരം കര്‍ഷകസംഘം സംസ്ഥാന കമ്മറ്റിയംഗം ടി.പി സുള്‍ഫിക്കറലി ഉദ്ഘാടനം ചെയ്തു. കേരള കര്‍ഷക സംഘത്തിന്റെ ആഭിമുഖ്യത്തിലായിരുന്നു പ്രതീകാത്മകസമരം.
ക്ഷീരകര്‍ഷകര്‍ പ്രകടനമായെത്തിയാണ് വണ്ടൂര്‍ ടൗണ്‍ ജങ്ഷനിലാണ് പാലൊഴുക്കി പ്രതിഷേധിച്ചത്. ഏരിയ പ്രസിഡന്റ് ജെ ക്ലീറ്റസ് അധ്യക്ഷനായി. അബ്രഹാം വര്‍ഗീസ്, എം മുരളീധരന്‍, പി വിശ്വനാഥന്‍, കെ ഗോപകുമാര്‍, ടി.കെ ബഷീര്‍, കെ ബാലന്‍ സംസാരിച്ചു.